ಪ್ರಾಮಾಣಿಕತೆ

                    ಮಾರುಕಟ್ಟೆಯಲ್ಲಿ ತರಕಾರಿ
                    ಹುಡುಕ ಹೊರಟ  ನನಗೆ
                    ಸಿಕ್ಕಿದ್ದು ಗುಣ..!
                    ಗುಣ ಹುಡುಕ
                    ಹೊರಟ ನನಗೆ....
                    ಅದುವೇ ಪ್ರಶ್ನೆಯೇ... ??
                    ಗೊಂದಲವೇ...
                    ಬೆಲೆಯಿಲ್ಲ ಅದಕೆ
                    ಹೆಸರಿಗೂ.. ಸ್ವಭಾವಕ್ಕೂ
                    ನಂಟಿದೆಯೇ.... ?? ?
                    ಬೆಲೆ ಎಂಬುದು ಸುಳ್ಳಂತೆ
                    ನಂಬಿಕೆ ಅದರಲ್ಲಿ ಮುಳ್ಳಂತೆ
                    ಅವರವರ ಸ್ವಭಾವದ ಅಳತೆ
                    ಪ್ರಾಮಾಣಿಕತೆ ಕತ್ತಲ್ಲಿಲ್ಲಿ
                    ಅರಾಜಕತೆ ಸುತ್ತಲ್ಲಿಲ್ಲಿ
                    ನಿರೀಕ್ಷೆ  ಬೆತ್ತಲ್ಲಲ್ಲಿ.
                    ವಂಚನೆ ಹೆಮ್ಮರವಿಲ್ಲಿ
                    ನಿಷ್ಠೆಯಲ್ಲಿ ಮೊಳಕೆ
                    ಚಿಗುರೊಡೆಯುವುದು ಸಾಧ್ಯವೇ..?
                    ಚಿವುಟುತಿಹರು ಕಪಟಧಾರಿಗಳು
                    ಬಿತ್ತಿ ಬೆಳೆಯುವರು
                    ಪಾರ್ಥೇನಿಯಂನಂತೆ
                    ಸಹಿಸುವಲ್ಲಿ ಮುಳುಗೇಳುತಿಹುದು !!
                    ನ್ಯಾಯದ ಬಿಂದಿಗೆಯು..
                    ನಿರೀಕ್ಷೆ ಗುಡಿಕಟ್ಟ ಹೊರಟವರೆಲ್ಲ
                    ಮಾನಸಿಕ ಅಸ್ವಸ್ಥರಂತೆ !!
                    ಹೇಗೆ ತಿಳಿಸುವುದು

                    ಫಲದ  ಚೀಲದೊಳಿರುವ

                     ಪುಣ್ಯವಾ.. !

                    ಹುಡುಕಿ ಸೋತಿಹೆನು ಉತ್ತರವಾ...