ಪ್ರೀತಿ

ನೀ ನನಗೇನಾದರು ಮಾಡಬೇಕೆಂದರೆ

ಯಮನು ನನ್ನ ಪ್ರೀತಿಸಿ ಅಪ್ಪಿದಾಗ

ನನಗೊಂದು ಗೋರಿ ಕಟ್ಟಿಸು

ಹಾ..! ಅದನ್ನು ನೀನು ಮಾತ್ರ ಕಟ್ಟಬೇಕು

ಗಾಜಿನ ಗೋಪುರ ಕಳಶವಾಗಿರಲಿ

ನನ್ನ ಉಸಿರು ನಿನ್ನ ಅದರಲ್ಲಿ ತಾಕುತಿರಲಿ

ಗೋರಿ ಮಾಡುವಾಗ ನನ್ನ ಬಿಟ್ಟು

ಬೇರೇನನ್ನೂ ನೆನೆಯಕೂಡದು, ನನ್ನ

ಪ್ರೀತಿಯ ಪರಿವಿದ್ದರೆ.

ಅದರ ಸುತ್ತ ರಜ ಬೆಳೆಯದಂತೆ ನೋಡಿಕೋ

ನೆನಪಿಟ್ಟುಕೋ ಒಂದು ಹನಿಯೂ ಕಣ್ಣಿಂದ

ಜಾರದಿರಲಿ ನನ್ನ ದಣಿವಾರಿಸಲು 

ನನ್ನನಿಡುವಾಗ ಗೋರಿಯೊಳಗೆ 

ನನ್ನ ಕಣ್ಣುಗಳಲ್ಲಿ ನಿನ್ನ ಪ್ರತಿಬಿಂಬ 

ಅಚ್ಚಾಗಿರಲಿ, ನಿನ್ನ ನಾ ಹಿಂಬಾಲಿಸುವಂತೆ 

ಸ್ಪರ್ಶಿಸಿರದ ಅಧರಗಳನ್ನು ಹಣೆಗೊತ್ತಿ 

ನುಡಿ, ನನ್ನಂಶವಾಗಿ  ಆವಿರ್ಭವಿಸು 

ಸಾಧ್ಯವಾಗದಿದ್ದರೆ ಮರುಗಬೇಡ 

ನಿನ್ನ ವಿಶಾಲ ಮನಸ್ಸಿನ ಆಲಯದಲ್ಲಿ 

ಶಾಶ್ವತವಾಗಿ ಗೋರಿ ಕಟ್ಟಿ ಬಚ್ಚಿಡು 

ಅದಕ್ಕೊಂದು ಜೀವಂತ ಸ್ಮಾರಕ 

ಕಟ್ಟು ನಿನ್ನ ಉಸಿರಿನಿಂದ 

ಹೆಸರಿಡು, ವಾಕ್ಯವನ್ನು ಕಾಣಿಸು 

ನನ್ನ ಕನಸಿನ ಮಗು 

ಗೋರಿಯಲಿ ಚಿರನಿದ್ರೆ ಅರಸಿದೆ.