ಕೂಸು

ಮುಂದೊಂದು ಜನ್ಮದಲ್ಲಿ
ನಿನ್ನಿಂದ ಕೂಸಾಗಿ ಹುಟ್ಟಿ
ಕೈ ಬೆರೆಳು ಹಿಡಿದು ನಡೆವಾಸೆ
ನಿನ್ನ ಬಿಗಿದಪ್ಪುವಾಸೆ
ನಿನ್ನ ತೋಳಲ್ಲಿ ಮಲಗುವಾಸೆ
ಸಿಹಿ ಮುತ್ತು ಪಡೆವಾಸೆ
ಕೈ ತುತ್ತು ತಿನ್ನುವಾಸೆ
ನಗು ಮೊಗಕ್ಕೆ ಚುಂಬಿಸುವಾಸೆ
ನಿನ್ನ ಬಾಯಿಗೆ ಬೈಗುಳವಾಗುವಾಸೆ
ಬೆತ್ತದ ಪೆಟ್ಟು ತಿನ್ನುವಾಸೆ
ನಿನ್ನೊಂದಿಗೆ ಹಟಬೀಳುವಾಸೆ
ಮುನಿಸಲ್ಲಿ ನಿನ್ನ ಮೌನವಾಗುವಾಸೆ
ನಿನ್ನ ನೆರಳಲ್ಲಿ ಹಬ್ಬುವ ಬಳ್ಳಿಯಾಗುವಾಸೆ
ಅಳುವಲ್ಲಿ ಸಾಂತ್ವನವಾಗುವಾಸೆ
ನಗುವಿನ ಆನಂದಬಾಷ್ಪವಾಗುವಾಸೆ
ಕಷ್ಟದಲ್ಲಿ ಹೆಗಲಾಗುವಾಸೆ
ಸುಖದಲ್ಲಿ ಜೊತೆ ನಲಿವಾಸೆ
ಮಮತೆ, ವಾತ್ಸಲ್ಯಕ್ಕೆ ಅಮ್ಮನಾಗುವಾಸೆ
ಮಡದಿಯ ಒಲವಾಗುವಾಸೆ
ಧ್ಯಾನದಲ್ಲಿ ನಿನ್ನ ಏಕಾಂತವಾಗುವಾಸೆ
ಜೊತೆಯಿರುವ ಲೇಖನಿಯಾಗುವಾಸೆ
ಆಸಕ್ತಿಯ ಹವ್ಯಾಸಗಳಾಗುವಾಸೆ
ಪ್ರೀತಿಯಲ್ಲಿ ಹೂವಾಗುವಾಸೆ
ನೀ ಹಡೆವ ಕವಿತೆಗಳಾಗುವಾಸೆ
ಸಾಧನೆಗೆ ಜ್ಞಾನದ ಹೊತ್ತಿಗೆಯಾಗುವಾಸೆ
ನಾ..ಇರುವವರೆಗೂ....ನಿನ್ನೊಂದಿಗೆ ಇರುವಾಸೆ.