ಅರಿವಿನ ಪರಮಾತ್ಮ
ಕವಿತೆಯ ಒಡಲ
ಉಸಿರಿನಲ್ಲಿರುವ ಹಸಿರಾಂಶ
ಚಿಗುರೊಡೆಯುತ್ತಲೇ ಹಬ್ಬಿ
ವ್ಯಾಪಿಸಿ ಬಿರಿಯುತ್ತದೆ
ಶಯನದಲ್ಲಿದ್ದರೂ ಅರಸಿ
ರಮಿಸುವ ಸವಿಗನಸಿನ ಏಕಾಂತ
ಪ್ರಶಾಂತತೆಗೆ ಕೈ ಇಟ್ಟಾಗ ಲೇಖನಿಯ
ಶಾಹಿಯಲ್ಲಿ ಬರೆದುಕೊಳ್ಳುತ್ತಾ ಸಾಗಿ
ಕ್ಷಣಮಾತ್ರದಲ್ಲಿ ಸದ್ದಾದರೆ
ಮರೆವಿನ ಗುಳಿ ಹೊಕ್ಕಿ ಮಿಂಚಾಗಿ
ಆಗ-ಈಗ ಸ್ವಲ್ಪ ಇಣುಕಿದರೂ
ಭಾವನೆಗಳ ಭಾವಕ್ಕೆ ಬಿಗಿದಪ್ಪಿ
ತಿಳಿದು ಬಳಿದು ಬಣ್ಣ ಮೆತ್ತಿ
ರೂಪು ನೀಡಿ ಹಡೆಯದೆ
ಮೈಯಿಳಿಯುತ್ತದೆ
ಕವಿತೆಯೊಳಗೊಂದು ಕವಿತೆ
ಉಸಿರಾಡಿ ಬಸಿರ ಅಡಗಿಸಿಟ್ಟ
ಗ್ರಹಿಕೆಯ ಅರಿವ ಪರಿವು
ಅವರವರ ಭಾವಾರ್ಥದಲ್ಲಿ
ಮೇಳೈಸಿ ನಲಿಯುತ್ತಿರುತ್ತದೆ.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ