ತೂತು

ಬಚ್ಚಲ ತೂತು ದೊಡ್ಡದಾಯಿತೆಂದು

ಚಿಕ್ಕದು ಮಾಡಲು ಪ್ರಯತ್ನಿಸಿದೆ

ಮರುದಿನ ಅದರ ಸುತ್ತೆಲ್ಲಾ ಬಿರುಕುಗಳು

ಅದನ್ನೂ ಮುಚ್ಚಿ, ಉಸಿರು ಬಿಡುವಲ್ಲಿಗೆ

ಇಲಿರಾಯ ಒಂದು ಚಿಕ್ಕ

ಬಿಲ ಕೊರೆದು ಓಡಾಡಿದ

ಮಗನ ಬೆರಳು ಸಿಕ್ಕಿಕೊಂಡರೆಂದು

ಮಣ್ಣು ಹಾಕಿ ಸಮ ಮಾಡಿದೆ

ಕಣ್ಣು ಮುಚ್ಚಿ ಬಿಡುವುದರೊಳಗೆ

ಇರುವೆಗಳು ಸಾಲು ಸಾಲು

ಇದರ ಗೋಜೆ ಬೇಡೆಂದು

ಅಲ್ಲಿಗೊಂದು ಬೋರ್ಡು

ನೇತುಹಾಕಿದೆ

ಎಲ್ಲಾ ಕ್ರಿಮಿಗಳಿಗೂ

ಇಲ್ಲಿ ಸ್ಥಳಾವಕಾಶವಿದೆ

ಸವಾಲುಳ್ಳ ದೊಡ್ಡ ಕ್ರಿಮಿಗಳಿಗೆ

ಹೆಚ್ಚು ಪ್ರಾಶಸ್ತ್ಯ

ಹಾಗೂ ಸತ್ಕರಿಸುವಿಕೆಯೇ

ಉತ್ತರವಾಗಿರುವುದೆಂದು.